БІЛІМ АЛУШЫЛАРДЫҢ ХИМИЯ ПӘНІНЕН ҚҰЗЫРЕТТІЛІГІН КОНТЕКСТТІК ТАПСЫРМАЛАР АРҚЫЛЫ ҚАЛЫПТАСТЫРУ
Аннотация
Қазақстан Республикасының «Білім туралы» Заңында «Білім беру жүйесінің басты міндеті – ұлттық және жалпы адамзаттық құндылықтар, ғылым мен практика жетістіктері негізінде жеке адамды қалыптастыруға және білім алу үшін қажетті жағдайлар жасау; оқытудың жаңа технологияларын енгізу, білім беруді ақпараттандыру» - деп білім беру жүйесін одан әрі дамыту міндеттері көрсетілген. Соған сәйкес, еліміздің білім беру жүйесі қазіргі кезде өзгермелі және өскелең талаптар мен қажеттіліктерді қанағаттандыра отырып, отандық білім саласын әлемдік білім кеңістігіне біріктіруге ұмтылыс жасауда. Бұл білім сапасын жетілдіру және оны жоғары деңгейге көтеруді алға тартады. Жаңа оқыту технологияларын Қазақстандық білім беру жүйесіне енгізу білім алушылардың біліктілігі мен білімін шыңдайтыны сөзсіз. Осы мақсатта химия пәнін оқыту нәтижелеріне қойылатын заманауи талаптарға жету үшін химиялық мазмұны практикамен ұштастырылған тапсырмаларды қолдану маңызды. Соның бірі – контексттік оқыту тәсілі. Контекстік оқытудың мәні жаңа білім алуды және оларды кейіннен қолдануды талап ететін, оларды игеруге жұмсалған күш-жігерді түсіндіретін және негіздейтін іс-әрекетті ұйымдастыру ретінде анықталады
Бұл мақалада жалпы және бейорганикалық химиядағы ерітінділер тақырыбын контексттік оқытудың маңыздылығымен қатар артықшылықтары көрсетіледі, контекстік оқытудың өзектілігі қарастырылады. Ерітінділер тақырыбына арналған контексттік тапсырмалар мысалдары мен контекстік мәселелерді шешуде студенттердің нәтижелері келтірілген.
