АЛАШ ТҰЛҒАЛАРЫНЫҢ ИДЕЯЛЫҚ ҮНДЕСТІГІ

Аннотация

Мақалада Алаш қайраткерлері  А. Байтұрсынов пен  Ғ. Қараштың өмірі, қоғамдық - саяси қызметі  мен шығармашылығы салыстырмалы ғылыми талдау негізіне алынған. Бір уақыт мезгілінде  коммунистік  партия қатарына қабылданған екі тұлғаның, 1919 жылдың соңынан бастап, ғылым, оқу-ағарту, өнер, баспасөз салаларындағы  атқарған қызметтері сараланады. Ахмет Байтұрсынов пен  Ғұмар Қараштың «Қазақ» және «Қазақстан» басылымдарында жарық көрген жер, ұлт, мәселесі, оқу-ағарту ісі, мемлекттік құрылыс сияқты маңызды мәселелер жөніндегі мақалаларының мазмұнына талдау жасалады.   Екі тұлғаның редакторлығымен қазақ тілінде жарық көрген мерзімді басылымдардың демократиялық, реформаторлық идеяларымен, яғни әлеуметтік прогрестік, бағыттағы сапалылығымен ерекшеленетіні тұжырымдалады. Алаш қайраткерлері А.Байтұрсынов пен Ғ.Қараш  қазақ  халқын еуропалық мәдениетке үндеген, И.Гаспринскийдің жүйесі бойынша оқытудың  жаңа әдісін қолдаған жәдидшіл тұлға ретінде қарастырылады. Ұлт ұстазы А.Байтұрсыновтың саласындағы еңбектері, Ғ.Қараштың « Педагогика» еңбегі салыстырмалы талдау нысанына алынады.