БАТЫС ҚАЗАҚСТАН ОБЛЫСЫ ТЕРЕКТІ АУДАНЫ БАЙРАҚТЫ ОРМАНДАРЫНЫҢ МАМЫР ИТМҰРЫНЫНЫҢ БИОМОРФОМЕТРИЯЛЫҚ КӨРСЕТКІШТЕРІНІҢ ЕРЕКШЕЛІКТЕРІ

Анотація

Мақала байрақты ормандарында Теректі ауданының аумағында өсетін итмұрының (Rosa sp.) биоморфометриялық көрсеткіштерін зерттеуге арналған. Жұмыс барысында итмұрының жапырақтар мен жемістердің өлшемдерін талдау үшін далалық бақылаулар мен үлгілер алу жүргізілді. Талдау нәтижесінде сабағының орташа биіктігі 63,3 см, орташа сызықтық және квадратық ауытқуы сәйкесінше 15,45 және 20,81 см құрайтындығы, ал көрсеткіш бойынша вариация коэффициенті 32,87% екені анықталды. Жапырақтың орташа ұзындығы мен ені сәйкесінше 8,38 және 5,28 см құрады. Зерттеу барысында жапырақ сағақтарының түбінде тікенектердің бар екендігі, бірақ гүл бұтақтарында тікенектердің жоқтығы анықталды. Зерттеу нәтижелері аталған аймақта итмұрының жоғары дәрежелі өзгергіштігімен сипатталатынын көрсетті, бұл жағдай генетикалық және экологиялық аспектілермен түсіндірілуі мүмкін. Анықталған биоморфометриялық көрсеткіштер итмұрының экологиясын және оның жергілікті экожүйелердегі рөлін түсінуге ықпал етеді. Бұл нәтижелер ботаника, экология және орман шаруашылығы саласындағы мамандар үшін қызықты болып табылады, сондай-ақ Батыс Қазақстан өңірінің табиғи ресурстарын қорғау және жаңғырту іс-шараларын әзірлеуде пайдалы болуы мүмкін.