ҚАЗАҚСТАННЫҢ ТАРИХИ ГЕОГРАФИЯСЫНЫҢ ҚАЛЫПТАСУЫ: ЗЕРТТЕУГЕ ШОЛУ

Анотація

XIX ғасырдың соңы мен XX ғасырдың басынан дүниежүзілік ғылыми қауымдастық тарих пен географияның тәсілдері мен әдістерін біріктіріп, «тарихи география» деп аталатын жаңа бағытты құра бастады. Қазақстан ғылымында қазіргі кезде тарихи география айтарлықтай табыстарға қол жеткізгенімен, әлі күнге дейін тарихи география тарих ғылымының қосалқы бағыты болып қала береді және жеке зерттеу саласына институттандыру сатысына жеткен жоқ. Мақаланың мақсаты – Қазақстандағы тарихи географияның дамуының кейбір аспектілерін әлемдік және кеңестік ғылымның даму траекториясымен салыстыра отырып қарастыру. Осы мақсатта мақалада алдымен англосаксондық дәстүрлерге назар аудара отырып, батыс мектептеріндегі тарихи география мектебінің дамуы қарастырылады. Одан кейін кеңестік тарихи география мектебінің дамуы талданады. Одан әрі қазақ тарихи-географиялық бағытының даму кезеңдерін талдауға көшеді. Қорытындысында авторлар Қазақстандағы тарихи географиялық зерттеулердің қазіргі жағдайын қорытындылайды.